Сустрэча ўдзельнікаў народнага калектыву “Рунь”
15.12.202315 снежня 2023 года ў Гародзькаўскай СШ адбылася калядная сустрэча ўдзельнікаў народнага калектыву “Рунь” Валожынскага раённага цэнтра культуры з навучэнцамі.
Кіраўнік калектыву Наталля Жылевіч прадставіла Зінаіду Гасціловіч – члена ААН “Саюз пісьменнікаў Беларусі”, Марыю Мучынскую – члена Міжнароднага саюза рускамоўных пісьменнікаў, самадзейных паэтаў Галіну Гражынскую і Аляксея Германа.
Натхнёна, ярка, прыгожа гучалі вершы з вуснаў паэтаў пра зіму, свята “Каляды”, радзіму, каханне.
Вучні і настаўнікі зачаравана слухалі вершы, затым выказалі словы ўдзячнасці за творчасць і за шчыры душэўны дыялог.